﹌摯僾 ﹌ 啊Yéě﹌

其实呢段时间一直有上blog来check下大家既日志，但系，就系无更新既冲动~~今日，突然有feel上来更新下~~

我地成日都话，响人既一生当中会遇到好多人，亦会有好多人离开我地~~以前一直都感觉唔到呢种所谓既人来人往，直到最近，先体会到原来如此~~

       终于有心情上来更新下~~自从2月22号去左实习之后，星期六日都宁愿留响屋企睇下电影，睇系星光大道，好懒出去，因为平时翻工6点就起身，而不得星期六日可以训晏D~~其实上来更新都系想俾大家知道下我实习既生活究竟系点，同埋对比下响中国同新加坡实习有咩唔同~~

       我而家去实习果间公司系美国一间历史悠久既大公司响新加坡设立既办公室，间公司叫Rockwell Automation~~我去果个部门系Quality，专门负责电子产品既质量检测，有检测硬件，软件~~而我要同我supervisor做既果份project呢系关于Software Reliability testing（软件可靠性测试）~~由于我响下个学期开始先会学到相关既野，所以去之前完全无任何经验，可以讲，我真系一D都唔知道究竟要点样做~~

哈哈~~啊而响新加坡同各位中国既朋友们讲声---元宵节快乐！！！

一年一度既元宵节，当然要应下节食下汤圆啦~~虽然得我同表弟食，而且仲要系出去食，不过叫做应左下元宵节啦~~哈哈~~

我地今日去左新加坡一间好出名既糖水铺度食，呢间系香港既糖水铺，所以味道比较正宗~~

粉红色果D系花生馅，白色果D就系芝麻啦~~响新加坡真系比较难稳到本小姐我中意食既芋泥或者豆沙汤圆~~哈哈~~唔好意思，本小姐我比较嘴叼~~

当时好似系因为有少少肚饿，所以呢，点左汤圆唔单只，仲order左个士多啤梨木糠布丁~~本来以为好似上次响澳门食果个木糠蛋糕禁好食啦，点知呢个禁既布丁，真系......no comments~~

       今年系第一年无翻广州过年，其实有少少觉得孤单~~虽然呢几日都系朋友啊，亲戚屋企拜年，但系，硬系觉得好似自己有少少无人理既感觉~~不过，依然好多谢响过年期间请我地去距地屋企食饭既所有亲朋戚友~~

      年三十晚，本来林住同我表弟出去食，因为得我地两个响呢边，同埋觉得团年饭应该同自己既亲人一齐食~~响新加坡，过年前一个月就已经有好浓既过年气氛，到处都挂满灯笼啊，炮丈啊~~当我果时睇到呢D装饰果阵，然后林下自己今年又无翻广州过年，突然觉得好孤单~~我最记得响我1月31号果日出去买完晚饭过马路翻屋企果阵我就系禁意林左一林年三十究竟去边度食好呢？哎，真系好鬼lonely~~然后响果晚刻，就接到我个老师既电话，问我年三十得唔得闲，距妈妈话叫埋我上去食饭，因为距话年三十晚大家都食团年饭，出面无咩地方食~~本来我有少少拒绝

2010年2月12，终于结束左我响学校既year two，原来唔知唔觉已经去左新加坡已经两年半了~~~琴日系年廿九，考完试，我地班决定去食团年饭，点知，大家开始都话去，去去下，得翻6个人~~真系啊~~哈哈~~仲要得我同Jolin两个女仔~~呢张系个waiter帮我地影既，我林距应该手震到......个个既样都睇唔清楚既~~

最后我都系决定自己动手，丰衣足食~~

但系，Jeff同Hong Sheng呢两条友，已经成日响班度吓我细粒噶啦~~竟然响呢度都要......

其实本来应该系上个星期五就应该更新噶啦，不过一直都无时间，考试啦，选毕业project~~上个星期五，我一个缅甸既朋友请我同其他几个朋友去新加坡一间有名既缅甸餐馆Inle度食晚饭，嗯。。。我最中意品尝世界各地既美食噶啦~~哇哈哈~~好！！唔讲禁多，去片~~

沙律篇--千其唔好比我地平时提起既沙律呢两个字所限定我地对沙律既印象~~以下呢三碟都系沙律噢~~哈哈~~我都系第一次食禁特别既沙律~~

1. Pennywort salad(生菜沙律）--其实呢个沙律真系几好味噶，咸咸地禁，听我朋友讲好似系捞咖喱汁既~~

        大家好！！元旦快乐！！哈哈~~睇到呢个题目，好似觉得自己系D咩高级身份，响度写野俾广大人民群众禁~~Anyway，我认为元旦第一个好消息就系，我上次寄俾daddy，妈咪张圣诞卡终于响踏入新年既前一日收到啦~~虽然迟左好多，不过都系到左~~

       本来一心期望琴晚12点倒数果阵应该会收到好多短信或者email或者系依然online既朋友们既祝福，点知有少少失望~~唔系太多人响果个时刻发俾我，大家都响提前左好多既时候就开始发祝福既sms啦~~可能系因为12点果阵太多人发啦，所以好多时都发唔出~~无论点，好多谢发过sms祝福我既人~~ 多谢你地既祝福~~~希望2010会如你地送俾我既祝福一样~~~